"Tropang Riyadh"

(L-R) Ryan, Jun, Mark, drahcir, Asher and John

Kay saya nang samahan, nitong walong barkadahan

Dumayo sa Khobar, para lamang mamasyal;

Di alintana, ang tingkad nang araw

Mababanaag sa mukha, umaapaw na kaligayahan

Aking nasaksihan, kanilang pagkaka-ibigan

Makikisig ang lahat, laging nagtatawanan;

Walang hindi sasang-ayon, sa aking isasalaysay

Mala Adonis na mahahawig, silang lahat ay my taglay.

Mapanghalina ang kisig, ang biriyo nila't tindig

Mga ngiting mapang-akit, waring anghel ang kawangis;

Nitong magkaka-ibigang, walang tulad ang samahan

Sa hirap at ginhawa, sila'y walang iwanan.

(L-R) Aaron, Ryan, Julef, Jun, Mark, Ronald, drahcir and John

"Saklob at si Katotong John"

Ako ay my Katoto, ang pangalan ay si John

Dumalaw sa aking tahanan, nitong nakaraan;

Ako ay pinagkalooban, Saklob na makapal

Kulay ay bughaw, at my tatak na Obeikan.

Sakbibi nang pagmamahal, itong aking kaibigan

Larawan nang kabutihan, ang adhika, mithi't hangad;

Anong simple nang pangarap, upang siya ay umangat

Nitong abang kaibigang, ating Diyos ang nag lalang.

Kanya manding binabanggit, kababawan niyang taglay

Na siya'y walang pinipili, ano man ang ating kulay;

Siya'y isang halimbawa, ehemplo sa kabataan

Isang Adang galing langit, bigkis yapos nang pagmamahal.

Kakambal nang kanyang drama, mga payong nagniningning

Bawat buod nang salita'y, bumobundol sa aking dibdib;

Mga linyang nanggagaling, sa taong maunawain

Ang mababa n'yang loob, nagsisilbi niyang bagwis.

Lapit mga katotong, my problema't suliranin

Sa Kuya John na ating mahal, sumangguni't 'wag manimdim;

Ano man ang inyong katayuan, kasarian at layunin

Hangga't abot nang kanyang kaya, tayo'y kanyang aaliwin.

Yan si Katotong John, hulog sa atin nang Langit.